មន្ត្រីអង្គការឃ្លាំមើលសិទ្ធិមនុស្សអន្តរជាតិលើកឡើង
ថាល្មមដល់ពេលលោក ហ៊ុន សែន ចុះចេញពីដំណែងឥឡូវនេះហើយ
កុំចាំទាល់តែគេអូសទម្លាក់ ព្រោះការរំលោភសិទ្ធិមនុស្ស
និងរដ្ឋធម្មនុញ្ញដ៏ធ្ងន់ធ្ងរ ម្ដងហើយម្តងទៀតបែបនេះ លោក ហ៊ុន សែន
មិនមែនជានាយករដ្ឋមន្ត្រីស្របច្បាប់នោះទេ។
នាយកប្រតិបត្តិ ទទួលបន្ទុកកិច្ចការតំបន់អាស៊ី របស់អង្គការឃ្លាំមើលសិទ្ធិមនុស្សអន្តរជាតិ យូមែន រ៉ៃត៍ វ៉ច្ឆ (Human Rights Watch) លោក ប្រ៊ែដ អាដាម (Brad Adams) អំពាវនាវដូច្នេះ
ដោយលោកយល់ឃើញថា មានប្រជាពលរដ្ឋខ្មែរច្រើនណាស់
ដែលបានធ្វើពលីកម្ម ដើម្បីឲ្យមានប្រជាធិបតេយ្យនៅកម្ពុជា។ ប៉ុន្តែ
លោក ហ៊ុន សែន បែរជាបំផ្លាញអ្វីៗគ្រប់យ៉ាង
ដោយចាប់ផ្ដើមពីការរម្លាយគណបក្សសង្គ្រោះជាតិ
ដែលជាគណបក្សប្រឆាំងដ៏ធំជាងគេតែមួយគត់នៅកម្ពុជា។ លោកអះអាងថា
ការបំបិទសំឡេងបក្សប្រឆាំងនេះ ធ្វើឲ្យការបោះឆ្នោតជាតិខាងមុខ
គ្មានន័យខ្លឹមសារអ្វីទាំងអស់៖ «លោក ហ៊ុន សែន បានសម្លាប់ប្រជាធិបតេយ្យហើយ! ដូច្នេះដល់ពេលដែលគាត់ត្រូវចុះពីតំណែងហើយដែរ! លោក
ហ៊ុន សែន មិនមែនជាមេដឹកនាំស្របច្បាប់នោះទេ។
គ្មានមេដឹកនាំប្រទេសឯណា នៅលើលោកនេះ
ដែលប្រព្រឹត្តខុសម្ដងហើយម្ដងទៀត
ហើយនៅតែអាចបន្តកាន់អំណាចយ៉ាងយូរដូច្នេះបាននោះទេ។ គាត់កាន់អំណាច
អស់ជាង ៣២ ឆ្នាំមកហើយ។ យើងទើបតែឃើញឧទាហរណ៍ជាក់ស្ដែង ដូចករណីលោក
រ៉ូប៊ើត មូហ្កាបេ (Robert Mugabe) នៅប្រទេស
ហ្ស៊ីមបាវ៉េ ស្រាប់។ ដូច្នេះលោក ហ៊ុន សែន ល្មមចូលនិវត្តហើយ។ យកល្អ
លោក ហ៊ុន គួរចូលនិវត្ត
កុំឲ្យចាំដល់តែមានការដាក់ទណ្ឌកម្មលើរូបគាត់
ឬកុំរង់ចាំទាល់តែមនុស្សនៅក្នុងជួរបក្សរបស់គាត់
ជាអ្នកសម្រេចឲ្យគាត់ចុះចេញ ដោយវិធីមិនប្រក្រតី ណាមួយនោះ»។
លោក រ៉ូប៊ើត មូហ្កាបេ ដែលជាមេដឹកនាំប្រទេស ហ្ស៊ីមបាវ៉េ (Zimbabwe) ឲ្យមានភាពវឹកវរ
អស់ជាង ៣៧ឆ្នាំ ត្រូវបានទម្លាក់ពីអំណាចកាលពីដើមសប្ដាហ៍នេះ
ដោយរដ្ឋប្រហារយោធា ដែលគ្មានការបង្ហូរឈាមមួយ។ លោកនាយករដ្ឋមន្ត្រី
ហ៊ុន សែន ដែលជាអតីតកម្មាភិបាលខ្មែរក្រហម និងឡើងកាន់អំណាចពីដំបូង
ដោយការលើកបន្តុបពីរដ្ឋាភិបាលវៀតណាម
ជាមេដឹកនាំដែលកាន់អំណាចយូរជាងគេទីពីរ ចាប់តាំងពីឆ្នាំ ១៩៨៥
បន្ទាប់ពីលោក រ៉ូប៊ើត មូហ្កាបេ។
2017-11-18
Aucun commentaire:
Enregistrer un commentaire