អង្គជំនុំជម្រះសាលាដំបូងនៅថ្ងៃទី១៣ ខែធ្នូ
បានសួរដេញដោលសាក្សីជាអ្នកជំនាញមួយរូប
អំពីវិធីសាស្ត្រវិភាគឆ្អឹងសាកសពជនរងគ្រោះ
ដែលត្រូវគេសម្លាប់នៅក្នុងរបបខ្មែរក្រហម។
វាលពិឃាដជើងឯកដែលជាសាខាគុកទួលស្លែង
គឺជាទីតាំងមួយដែលលោកស្រាវជ្រាវវិភាគឆ្អឹងសាកសព។
អ្នកជំនាញធ្វើកោសល្យវិច័យ និងវិភាគឆ្អឹងសាកសព លោក វឿន វុទ្ធី
ជម្រាបអង្គជំនុំជម្រះសាលាដំបូងថា
ឆ្អឹងជនរងគ្រោះសល់នៅវាលពិឃាដជើងឯកចំនួន ៦.៤២៦នាក់
ដែលលោកបានវិភាគ គឺលោកអាចដឹងពីមូលហេតុសម្លាប់ ដូចជាដោយការវាយ
កាប់ ចាក់ និងដាក់ថ្នាំគីមីពុលជាដើម៖ «ជ (ជនរងគ្រោះ) លេខ ០៣២៨ នេះ
ត្រូវបានគេសម្លាប់ដោយដែកច្បូកចាក់អន្ទង់
វាយបំបាក់ពីផ្នែកម្ខាងទៅម្ខាង ហើយឃើញស្នាមបែបនេះ
យើងវិភាគធៀបបែបនេះ រាល់ស្លាកស្នាមទាំងអស់
ពុំមែនជាការសន្និដ្ឋានមាត់ទទេឡើយ។ ក្រៅពីនោះ
យើងពង្រីកនៅក្នុងមីក្រូស្កុប (Microscope) ដើម្បីឲ្យឃើញស្លាកស្នាម។
បើជាដំបងគល់ឫស្សី វាអាចមានជួបតិចតួចនៅទីនោះ
ហើយជាពិសេសឈើជ្រុង យើងបានឃើញអដ្ឋិធាតុខ្លះមាននៅជាប់
ដោយសារវាយទៅផុងលលាដ៍ វាជាប់កម្ទេចហ្នឹងខ្លះ ប៉ុន្តែមិនច្រើនទេ
តិចណាស់»។
លោកបន្តថា
ការវិភាគមូលហេតុស្លាប់គឺប្រៀបធៀបស្លាកស្នាមលើឆ្អឹងទៅនឹងឧបករណ៍
១៨ប្រភេទ ដែលត្រូវបានគេប្រើសម្រាប់សម្លាប់៖ «ខ្ញុំលើកតែពីរបីទេ ក្នុង ១៨ប្រភេទហ្នឹង មានដែកថ្នាំងអំពៅ ពូថៅ មានកាំបិត មានដែកភ្លៅរទេះ ហើយមានឈើជ្រុង»។
ក្នុងចំណោមឆ្អឹងក្បាលជាង ៤ពាន់នោះ មានតែឆ្អឹងក្បាលមួយទេ
ដែលមិនបានបង្ហាញថា ស្លាប់ដោយការវាយដំដោយឧបករណ៍ ឬធ្វើទារុណកម្ម។
ប៉ុន្តែភក់ក្នុងលលាដ៍ក្បាលនោះ មានសារធាតុគីមី ដេដេតេ (DDT)
ដូចឆ្អឹងក្នុងរណ្ដៅរួមនោះដែរ៖ «ការដែលបំពុលមនុស្សដោយសារធាតុគីមី
យើងពឹងផ្អែកទៅលើការប្រតិកម្មហ្នឹង
ជាពិសេសឆ្អឹងសន្លាក់នៅជិតខាងក្រោមឆ្អឹងទម្រឆ្អឹងលលាដ៍ក្បាលហ្នឹងតែម្ដង។
កាលណាស្លាប់ដោយសារសារធាតុគីមី គឺវាឡើងពណ៌ខ្មៅ
ហើយក្រអូមមាត់ខាងលើ ក៏មានការឡើងខ្មៅដែរ។
ជួនកាលបើមានប្រតិកម្មជាមួយនឹងភក់ដែលនៅទីនោះ
វាឡើងទៅជាបៃតងក្រមៅ»។
លោក វឿន វុទ្ធី ជាប្រធាននាយកដ្ឋានបុរាណវិទ្យា
និងបុរេប្រវត្តិវិទ្យា
ផ្នែកស្រាវជ្រាវប្រវត្តិសាស្ត្រខ្មែរនៃក្រសួងវប្បធម៌
និងវិចិត្រសិល្បៈ។ លោកថ្លែងថា មកដល់ពេលនេះ
លោកបានបញ្ចប់ការធ្វើកោសល្យវិច័យឆ្អឹងមនុស្សចំនួន
៤ទីតាំងផ្សេងៗគ្នា គឺទី១
មជ្ឈមណ្ឌលឧក្រិដ្ឋកម្មប្រល័យពូជសាសន៍ជើងឯក។ ទី២
មជ្ឈមណ្ឌលប្រល័យពូជសាសន៍វត្តប្រាសាទបតី នៅខេត្តកំពង់ចាម។ ទី៣
ធ្វើកោសល្យវិច័យលើជនរងគ្រោះនៅគោកព្រេច ខេត្តតាកែវ ហើយទី៤
នៅមជ្ឈមណ្ឌលឧក្រិដ្ឋកម្មក្រាំងតាចាន់។ លោកបានចងក្រងឯកសារ
និងថតទុកការវិភាគឆ្អឹងជនរងគ្រោះទាំងនោះដើម្បីអភិរក្សកុំឲ្យបាត់បង់ពេលឆ្អឹងពុកផុយអស់ទៅ។
លោក វឿន វុទ្ធី មានប្រសាសន៍ថា
ឆ្អឹងក្បាលលលាដ៍ក្បាលជាផ្នែកឆ្អឹងសំខាន់សម្រាប់កំណត់អាយុ ភេទ
និងបញ្ជាក់ស្លាកស្នាមអំពីការវាយដំនៅក្នុងរបបខ្មែរក្រហមនោះ។
ក៏ប៉ុន្តែ លោកថាមានឆ្អឹងជាង ៦ម៉ឺន (៦៣.១១២) ផ្នែកទៀត
ដែលលោកបានវិភាគ ដូចជា ឆ្អឹងភ្លៅ ឆ្អឹងដើមដៃ កំភួនដៃជាដើម។
លោកក៏ឲ្យដឹងដែរអំពីវិធីសាស្ត្រដែលគេប្រើប្រាស់ជាអន្តរជាតិ
សម្រាប់ការធ្វើកោសល្យវិច័យ និងវិភាគឆ្អឹងទាំងនោះ
ក៏អាចបង្ហាញពីភេទ និងអាយុរបស់ជនរងគ្រោះដែរ៖ «សម្រាប់រកភេទ
ស្រី ឬប្រុស ទីមួយយើងរកចិញ្ចើម បើប្រុសទល់ឡើង ស្រីរាប
ឆ្អឹងទងត្រចៀក បើស្រីទងខ្លី ប្រុសទងវែង។ មាន ៨លក្ខណៈ
ដែលយើងអាចសន្និដ្ឋានបានថា ស្រី ឬប្រុស។ បើសិនជា ៦លក្ខណៈ
យើងមិនអាចយកជាផ្លូវការទេ។ យ៉ាងហោចណាស់ក៏ ៧ដែរ។ សម្រាប់អាយុ
គេវិភាគទៅតាមខ្សែលលាដ៍ក្បាល ព្រោះក្បាលមនុស្សមានខ្សែលលាដ៍។
ពឹងផ្អែកទៅលើខ្សែលលាដ៍ក្បាលយើងអាចដឹងអាយុ។ នេះមិនមែនយើងថា ទេ
វាជារូបមន្តប្រើទូទាំងសកលលោក»។
ការចាប់អារម្មណ៍របស់លោកដែលសិក្សាស្រាវជ្រាវនេះ
ក៏ព្រោះតែលោកជាជនរងគ្រោះម្នាក់ ដែលបាត់បង់ឪពុកជាគ្រូបង្រៀន
សមាជិកគ្រួសារ ៦នាក់ផ្សេងទៀត។ ម្យ៉ាងទៀត
វាជាកាតព្វកិច្ចរបស់លោកជាប្រធានអង្គភាពមួយដែលត្រូវចងក្រងឯកសារទុកជាប្រវត្តិសាស្ត្រឲ្យមនុស្សទាំងឡាយចងចាំ
ហើយទទួលស្គាល់ការសម្លាប់នោះ។
សវនាការសួរដេញដោលសាក្សីជំនាញអំពីការវិភាគឆ្អឹងសាកសពជនរងគ្រោះក្នុងរបបខ្មែរក្រហម
សាលាដំបូងនឹងបន្តទៀត នៅថ្ងៃពុធ ទី១៤ ធ្នូ។
សវនាការពិនិត្យភស្តុតាង និងស្ដាប់សាក្សីក្នុងសំណុំរឿង ០០២ វគ្គ ២
អង្គជំនុំជម្រះសាលាដំបូងគ្រោងបញ្ចប់នៅចុងឆ្នាំ២០១៦ នេះ៕
ដោយ ឡេង ម៉ាលី
2016-12-13
2016-12-13
១៩៧០រហូត១៩៧៩មិនស្កាល់ខ្មែរក្រហមតែខ្មែររណះសេរ្យឫខ្មែររំដោះយួនចូលពី៧៩មករហូតសព្វថ្ងៃទើបស្កាល់ពាក្យខ្មែរក្រហមប្រាកដ៧៥រហូត៧៩អាចថាខ្មែររំដោះសំម្លាប់ខ្មែររបបថ្មី១៧មេសារក្នុងការច្រណែនក្នុងការល្ងិតល្ងង់ពីសេសមនោរគម៌អង្កការលើដូចកងឈ្លបក្មេងៗដែលសំម្លាប់ពលរដ្ឋថ្មីតាមបញ្ចារអង្គការលើ?..ខ្ញុំបងប្អូនមីងមារស្លាប់ជំនាន់៣៥នាក់អុំមីងមារពុកម៉ែ(តាយាយគាត់ចាស់គេមិនយក..អាយុ៨៣នឹង៨៨ឆ្នាំគាត់ស្លាប់ឆ្នាំ៨៤..តែអ្នកស្លាប់តូចជាង១ខួប,៦ឆ្នាំ៨ឆ្នាំ១០ឆ្នាំ១៥ឆ្នាំ២០ឆ្នាំ++++++++++សារុប៣៥នាក់ទាំចាស់ទាំងក្មេង២ខែក្រោយដើរជំនួនច្រើនខែត្តវិញចូលស្រុកកំណើតគេហៅដាក់ឡានទ្រុងភ្លាមៗយកទៅចំកាលើខែត្តកំពង់ចាមចំការចេកពីរឫបីខែក្រោយបែកភ្នំពេញតាមដែលជីដូនខ្ញុំនិយាយប្រាប់..រហូតពេលនេះខ្ញុយល់ថាជាកំហុស៩០%ស្ដេចសីហនុទទួលខុសត្រូវលើពលរដ្ឋខ្មែររាប់លាននាក់រួមអង្កការលើ..ច្បាស់ដោយឥតច្រឡំ..
RépondreSupprimer