ក្រុងក្វេតតាៈ ប៉ូលិសបាននិយាយថា មនុស្សយ៉ាងតិច៨នាក់ស្លាប់ និង៣០នាក់រងរបួស នៅពេលអ្នកវាយប្រហារគ្រាប់បែកអត្តឃាតពីរនាក់ បានវាយប្រហារលើព្រះវិហារគ្រិស្តមួយនៅប៉ាគីស្ថាននៅក្នុងអំឡុងពេលបំពេញការងារនៅថ្ងៃអាទិត្យនេះ រយៈពេលមួយសប្តាហ៍មុនបុណ្យណូអែល។
រដ្ឋមន្ត្រីមហាផ្ទៃលោក Akbar Harifal បានថ្លែងថា ស្ត្រីពីរនាក់ ក៏នៅក្នុងចំណោមអ្នកស្លាប់នៅព្រះវិហារMethodist នៅក្នុងក្រុងក្វេតតាភាគនិរតី នៅក្នុងខេត្ត Balochistan។
ប៉ូលិស បានបន្ថែមថា អ្នករងរបួស៧នាក់នៃអ្នករងរបួសទាំងអស់ ស្ថិតក្នុងស្ថានភាពធ្ងន់ធ្ងរ។
ក្រុមមន្ត្រី បាននិយាយថា កងកម្លាំងសន្តិសុខ ចាប់បាន និងបាញ់សម្លាប់អ្នកវាយប្រហារម្នាក់នៅខាងក្រៅព្រះវិហារ ប៉ុន្តែអ្នកវាយប្រហារទីពីរ បានព្យាយាមទៅដល់ទ្វារធំរបស់វិហារ ជាទីដែលគេ បានបំផ្ទុះខ្លួនឯងនោះ។
ស្នងការប៉ូលិសខេត្តលោកMoazzam Jah បានប្រាប់ AFP ថា ប៉ូលិស បានប្រញាប់ប្រញាល់ចេញធ្វើសកម្មភាព និងទប់ស្កាត់ក្រុមអ្នកវាយប្រហារ មិនឲ្យចូលទៅក្នុងសាលធំនៃព្រះវិហារនោះឡើយ៕ PSA
Sun, 17 December 2017
Aucun commentaire:
Enregistrer un commentaire