តំណាងរាស្ត្រសហរដ្ឋអាមេរិកមួយចំនួនជំរុញឲ្យរដ្ឋបាលរបស់
លោក ប្រធានាធិបតី ដូណាល់ត្រាំ (Donald Trump) គៀងគរសម្ព័ន្ធ មិត្តរបស់ខ្លួន ដើម្បីប្រើប្រាស់គ្រប់មធ្យោបាយទាំងអស់ដាក់គំនាប
រដ្ឋាភិបាល ហ៊ុន សែន អនុញ្ញាតឲ្យកម្ពុជាមានលទ្ធិប្រជាធិបតេយ្យពេញលេញ
និងនីតិរដ្ឋ។
តំណាងរាស្រ្តសហរដ្ឋអាមេរិកចំនួន៨រូបពីខាងគណបក្សប្រជាធិបតេយ្យ
និងសាធារណរដ្ឋនិយម រួមមានលោក អេដ រ៉យ (Ed Royce) លោក អាលែន ឡូវែនថល (Alan Lowenthal) លោក ស្ទីវ
ឆាបុត (Steve Chabot) អ្នកស្រី និគី តុងហ្កាស់ (Niki
Tsongas) និងតំណាងរាស្ត្របួនរូបទៀត
កាលពីថ្ងៃច័ន្ទទី១៨ម្សិលមិញ បានសរសេរលិខិតមួយច្បាប់ ទៅកាន់រដ្ឋមន្រ្តី
ក្រសួងការបរទេសអាមេរិក លោក រិក ធីលលើសិន (Rex Tillerson) សម្តែងការព្រួយបារម្ភអំពីដំណើរការប្រជាធិបតេយ្យ នៅ កម្ពុជា
ដែលកំពុងជួបវិបត្តិដ៏ធ្ងន់ធ្ងរ ។
ក្រុមតំណាងរាស្ត្ររបស់អាមេរិកទាំងនេះក៏បានថ្កោលទោសជាខ្លាំង
ដល់ការ រឹតត្បិតសេរីភាពសារព័ត៌មាន និងការចោទប្រកាន់ថាសហរដ្ឋអាមេរិក
ជាអ្នកនៅពីក្រោយបដិវត្តន៍ពណ៌ដែលធ្វើឲ្យអស្ថិរភាពដល់កម្ពុជា។
តំណាងរាស្ត្ររបស់សហរដ្ឋអាមេរិកដ៏មានឥទ្ធិពលទាំងនេះអះអាងថា
ការ បង្ក្រាបជាប្រព័ន្ធ ទៅលើវិទ្យុអាស៊ីសេរី វិទ្យុសំឡេងសហរដ្ឋ អាមេរិក
វិទ្យាស្ថានជាតិ ប្រជាធិបតេយ្យNDI និងការគំរាមធ្វើសង្គ្រាមជា
មួយប្រជាពលរដ្ឋ ប្រសិនបើបក្សកាន់អំណាចចាញ់ឆ្នោតនោះ គឺជាកិច្ចខិតខំប្រឹងប្រែងរបស់
រដ្ឋាភិបាលក្រុងភ្នំពេញក្នុងការធ្វើឲ្យប្រជាធិបតេយ្យ កាន់តែរួមចង្អៀត។
ទោះជាយ៉ាងណាក៏ដោយតំណាងរាស្រ្តរបស់សហរដ្ឋអាមេរិកទាំង៨
រូបនេះជំរុញសហគមន៍អន្តរជាតិក្រោកឈរឡើងតតាំងជាមួយរដ្ឋាភិបាល ហ៊ុន សែន
កំពុងកាត់បន្ថយសេរីភាពរបស់ប្រជាពលរដ្ឋ កម្ពុជា ។
ពួកគេទាមទារឲ្យក្រសួងការបទេសសហរដ្ឋអាមេរិកធ្វើការ ជាមួយ សម្ព័ន្ធ
មិត្តរបស់ខ្លួនក្នុងការប្រើគ្រប់យន្តការការទូតដែលចាំបាច់
ទាំងអស់ដើម្បីបង្ខំឲ្យ រដ្ឋាភិបាល ហ៊ុន សែន គោរពស្តង់ដារ ប្រជាធិបតេយ្យ
និងនីតិរដ្ឋ។
ក្រុមតំណាងរាស្ត្រអាមេរិកទាំងនេះក៏បាន
ទាត់ចោលផងដែរចំពោះ ការចោទប្រកាន់ពីបទក្បត់ជាតិទៅលើ
គណបក្សនយោបាយអង្គការ សង្គមស៊ីវិល សកម្មជន និងអ្នកវិភាគ នយោបាយ។ ជាងនេះទៅទៀតពួកគេជំរុញឲ្យឯកអគ្គរដ្ឋទូតរបស់សហរដ្ឋអាមេរិកប្រចាំកម្ពុជា
លោក វីលៀម ហែកដ៍ (William Heidt) បន្តជជែកជាមួយរដ្ឋាភិបាល
ហ៊ុន សែន ក្នុងកម្រិតមួយខ្ពស់បំផុតដែល
តំណាងឲ្យរដ្ឋាភិបាលសហរដ្ឋអាមេរិកដើម្បីបង្ហាញអំពីការព្រួយបារម្ភទាំងឡាយទៅកាន់
ហ៊ុន សែន ក្នុងការដាក់សំពាធដល់
រដ្ឋាភិបាលកម្ពុជាឲ្យគោរពសិទ្ធិពលរដ្ឋរបស់ខ្លួនតាមរយៈការអនុញ្ញាតឲ្យមានសេរីភាពសារព័ត៌មាន
។
តំណាងរាស្ត្ររបស់អាមេរិកទាំង៨រូបនេះលើកទឹកចិត្តឲ្យរដ្ឋាភិបាលកម្ពុជា
គោរពលក្ខខណ្ឌទាំងនេះ ប្រសិនបើកម្ពុជាចង់មានទំនាក់ទំនង
យុទ្ធសាស្ត្រសេដ្ឋកិច្ចដ៏ធំជាមួយសហរដ្ឋអាមេរិក។
ពាក់ព័ន្ធនឹងវិបត្តិប្រជាធិបតេយ្យនៅកម្ពុជានេះ
អនុប្រធានសភាអឺរ៉ុប អ្នកស្រី ហ្វែតឌឺរីកា មូកហឺរីនី (Federica
Mogherini) កាលពីថ្ងៃច័ន្ទ ថ្លែងថា
សហភាពអឺរ៉ុបគឺជាទីផ្សារនាំចូលផលិតផលដ៏ធំ បំផុតរបស់ កម្ពុជា។
អ្នកស្រីជឿថាវានឹងគ្មាននិរន្តរភាពសម្រាប់ការអភិវឌ្ឍន៍ទៀតទេ
ប្រសិនបើគ្មានការគោរពសិទ្ធិមនុស្ស និងគ្មានការធានាដល់ដំណើរ
ការប្រជាធិបតេយ្យនៅកម្ពុជា។
អ្នកស្រីជំរុញឲ្យសភាអឺរ៉ុបនឹងប្រើប្រាស់គ្រប់យន្តការដែលមានស្រាប់
ក្នុងការស្នើនិងធ្វើកិច្ចការដើម្បីឲ្យមានការកែប្រែបរិបទនយោបាយ
បច្ចុប្បន្ននៅកម្ពុជា៕
2017-09-19
Aucun commentaire:
Enregistrer un commentaire