 |
| លោក Duterte ថ្លែងនៅវិមាន Malacanang នៅក្នុងក្រុងម៉ានីល។ AFP |
ក្រុងម៉ានីល: កងទ័ពបាន និយាយកាលពីថ្ងៃពុធថា ក្រុមកងជីវពលអ៊ិស្លាម បានកាត់ ក្បាលនាវិកវៀតណាមពីរនាក់ដែលត្រូវចាប់ជាចំណាប់ខ្លាំង ៨ ខែនៅហ្វីលីពីនភាគខាងត្បូង។
លោកស្រីអនុសេនីយ៍ឯក Jo-Ann Petinglay ជាអ្នកនាំពាក្យ យោធាបានថ្លែងថា ក្រុមកងទ័ពហ្វីលីពីន បានរកឃើញសាកសពជនចំណាប់ខ្មាំងពីរនាក់កាលពីព្រឹកថ្ងៃពុធនៅលើកោះBasilan ដែលជាតំបន់ឈរជើងមួយរបស់ក្រុមភេរវកម្មចាប់ជំរិតទារប្រាក់គឺក្រុមអាប៊ូសាយ៉ាហ្វ។
លោកស្រី Petinglay បានថ្លែងប្រាប់ AFP ថា៖ «នេះជាទង្វើដ៏សាហាវមួយរបស់ក្រុមភេរវកម្មអាប៊ូសាយយ៉ាហ្វ ពីព្រោះពួកគេមិនបានផលចំណេញអ្វីពីសកម្មភាពចាប់ជំរិតទារប្រាក់លោះរបស់ពួកគេនោះទេ»។
ក្រុមអាប៊ូសាយយ៉ាហ្វដើមឡើយ គឺជាបណ្តាញកងជីវពល មួយដែលត្រូវបានបង្កើតឡើងនៅក្នុងទសវត្សរ៍ឆ្នាំ ១៩៩០ ឧបត្ថម្ភថវិកាដោយបណ្តាញអាល់កៃដា របស់អូសាម៉ា ប៊ីនឡាដិន បានបែកខ្ញែកជាក្រុមតូចៗ ដោយក្រុមខ្លះបានប្រព្រឹត្តអំពើលួចប្លន់ និងចាប់ជំរិត។
ក្រុមនេះ បានចុះចូលជាមួយក្រុមរដ្ឋអ៊ិស្លាម IS ដោយមានសមាជិកមួយចំនួនក្នុងចំណោមក្រុមឧទ្ទាម ដែលកាន់កាប់ផ្នែក ជាច្រើននៃក្រុងម៉ារ៉ាវ ជាក្រុងអ៊ិស្លាមសំខាន់មួយនៅហ្វីលីពីន ដែលកាន់សាសនាកាតូលិកភាគច្រើនបំផុត។
ក្រុមកងជីវពល បានបន្តកាន់កាប់ផ្នែកជាច្រើននៃក្រុងម៉ារ៉ាវី ថ្វីបើមានការវាយប្រហារផ្នែកយោធាគាំទ្រដោយ អាមេរិកនៅទីនោះក្តី៕
Thu, 6 July 2017
Aucun commentaire:
Enregistrer un commentaire