 |
| ប្រាសាទសំបូរព្រៃគុក។ (រូបថតដោយ Reuters) |
ប្រាសាទសំបូរព្រៃគុក គឺជារមណីយដ្ឋានវប្បធម៌ និងប្រវត្តិសាស្ត្រ
ដែលមានទីតាំងស្ថិតនៅក្នុងភូមិសំបូរ ឃុំសំបូរ ស្រុកប្រាសាទសំបូរ
ដែលមានចម្ងាយ ៣៧គ.ម ពីទីរួមខេត្តកំពង់ធំ។
វ៉ាស៊ីនតោន —
គណៈកម្មការបេតិកភណ្ឌពិភពលោកនៃអង្គការយូណេស្កូ សម្រេចចុះ
«តំបន់ប្រាសាទសំបូរព្រៃគុក ទៅក្នុងបញ្ជីបេតិកភណ្ឌពិភពលោក
ក្នុងកិច្ចប្រជុំលើកទី ៤១ នៅទីក្រុង Krakow ប្រទេសប៉ូឡូញ
កាលទីថ្ងៃសៅរ៍ ទី០៨ ខែកក្កដា ឆ្នាំ ២០១៧។
នេះបើយោងតាមសេចក្ដីជូនដំណឹងរបស់ក្រសួងវប្បធម៌ និងវិចិត្រសិល្បៈ
ចុះនៅថ្ងៃអាទិត្យ ទី០៩ ខែកក្កដា ឆ្នាំ២០១៧។
សេចក្ដីជូនដំណឹងបានបញ្ជាក់ថា គណៈកម្មការបេតិកភណ្ឌពិភពលោក
បានសម្រេចដូច្នេះ បន្ទាប់ពីបានធ្វើការពិភាក្សា ពិនិត្យមើល
និងវាយតម្លៃថា តំបន់ប្រាសាទសំបូរព្រៃគុក មានគុណតម្លៃជាសកល។
ប្រាសាទសំបូរព្រៃគុក គឺជារមណីយដ្ឋានវប្បធម៌ និងប្រវត្តិសាស្ត្រ
ដែលមានទីតាំងស្ថិតនៅក្នុងភូមិសំបូរ ឃុំសំបូរ ស្រុកប្រាសាទសំបូរ
ដែលមានចម្ងាយ ៣៧គ.ម ពីទីរួមខេត្តកំពង់ធំ។ ប្រាសាទនេះ
សង់លើដីរាបស្មើមានទំហំប្រមាណ ៣ពាន់ហិតា។ ប្រាសាទ
នេះកសាងឡើងដោយព្រះបាទឥសានវរ្ម័នទី១ នាពាក់កណ្ដាលសតវត្សទី៧ (
៦១៥-៦៥០) នៃគ្រិស្តសករាជ។
បន្ទាប់ពីប្រាសាទអង្គវត្ត
ត្រូវបានដាក់បញ្ចូលនៅក្នុងបញ្ជីនៅឆ្នាំ ១៩៩២
និងប្រាសាទព្រះវិហារ នៅឆ្នាំ ២០០៨ ប្រាសាទសំបូរព្រៃគុក
បានក្លាយជាតំបន់ប្រវត្តិសាស្ត្រទី៣ របស់កម្ពុជា
ដែលត្រូវបានចុះនៅក្នុងបញ្ជីសម្បត្តិបេតិកភណ្ឌពិភពលោកក្នុងឆ្នាំ
២០១៧ នេះ៕
កើតជាខ្មែរសែនស្ដាយដោយមិនបានស្កាល់អស់ប្រាសាទ,ព្រៃឈើឩទាហរណ៌រដ្ឋភិបាលកាប់ខ្ទើចមិនចាំបាច់ដល់ក្មេងជំនាន់ក្រោយទេគឺយំមិនចេញបំផ្លាញរលាយពេញប្រទេសរួមកោះត្រល់ប្រគល់អោយយួនដោយគ្មាសួរប្រជាពលរដ្ឋនេះអាហ្វូងក្បត់ជាតិល្ងើលើខួរយួន.....,
RépondreSupprimer