នៅព្រឹកថ្ងៃចន្ទត្រូវនឹងថ្ងៃទី១ខែឧសភា ជាថ្ងៃទិវាពលកម្មអន្តរជាតិ
កម្មកររៀបចំហែក្បួនយកញត្តិទៅដាក់នៅរដ្ឋសភា
ដើម្បីឲ្យស្ថាប័ននេះជួយដោះស្រាយទុក្ខកង្វល់របស់ពួកគេ
ប៉ុន្តែការរៀបចំប្រមូលផ្តុំនៅជិតស្ថានទូតរុស្ស៊ីត្រៀមហែទៅរដ្ឋសភា
ត្រូវបានសមត្ថកិច្ចរារាំង។
នៅម៉ោងជាង៨ព្រឹកនេះ កម្មករបានទៅដល់កន្លែងរៀបចំហែក្បួនប្រមាណ៥០០នាក់
ចំណែកសមត្ថកិច្ចប្រមាណ១០០នាក់ចេញមុខរារាំងមិនឲ្យរៀបចំហែក្បួនទេ ដោយអះអាងថា
ធ្វើឲ្យប៉ះពាល់ដល់សន្តិសុខសណ្តាប់ធ្នាប់។ ទោះយ៉ាងណា
ការរារាំងចាប់ពីម៉ោង៧ជាង រហូតដល់ម៉ោងជាង៨ព្រឹកនេះ
មិនមានហិង្សាណាមួយកើតឡើងនោះទេ។
បញ្ហាដែលកម្មករលើកឡើងឲ្យថ្នាក់ដឹកនាំបានដឹងនៅព្រឹកនេះរួមមាន
ឲ្យកំណត់ប្រាក់ឈ្នួលគោលសម្រាប់កម្មករសំណង់
ការគិតគូរពីបញ្ហាសុខភាព និងសុវត្ថិភាពរបស់កម្មករសំណង់
ការពង្រីកវិសាលភាពនៃបេឡាជាតិរបបសន្តិសុខសង្គមទៅលើក្រុមកម្មករសំណង់
ការត្រួតពិនិត្យទៅលើក្រុមហ៊ុនសាងសង់
និងការស្នើឲ្យកែប្រែច្បាប់ស្ដីពីសហជីពដើម្បីធានានូវសេរីភាពរបស់សហជីពក្នុងការជួយដល់ក្រុមកម្មករសំណង់៕
ដោយ លោក ញឹម សុខន |
ថ្ងៃចន្ទ ទី១ ខែឧសភា ឆ្នាំ២០១៧
ថ្ងៃចន្ទ ទី១ ខែឧសភា ឆ្នាំ២០១៧
Aucun commentaire:
Enregistrer un commentaire