លោកមេធាវី មូរតុន ក្លារ (Morton Sklar) ផ្ដល់បទសម្ភាសន៍ដល់អាស៊ីសេរី កាលពីថ្ងៃទី២៦ សីហា ឆ្នាំ២០១៦។ Photo: RFA |
លោក មូរតុន ក្លា និងលោក រីឆាត រ៉ូជើរ បានដាក់បណ្ដឹងម្នាក់មួយកាលពីឆ្នាំ២០១៤ ប្តឹងលោក ហ៊ុន សែន និងរដ្ឋាភិបាលកម្ពុជា ពីបទឧក្រិដ្ឋប្រឆាំងមនុស្សជាតិ ដោយសារការជ្រៀតជ្រែកកិច្ចការសាលាក្ដីខ្មែរក្រហម ការធ្វើទុក្ខបុកម្នេញលើមន្ត្រីគណបក្សប្រឆាំង ការបំផ្លាញធនធានធម្មជាតិ និងរឹបអូសដីធ្លី និងបង្ខំបណ្តេញប្រជាពលរដ្ឋពីលំនៅឋានជាដើម៕
តុលាការព្រហ្មទណ្ឌអន្តរជាតិ (ICC) កាលពីពេលថ្មីៗនេះ បានដាក់រដ្ឋាភិបាលកម្ពុជា ក្នុងបញ្ជីនៃរឿងក្តីចំនួន ១២ ដែលត្រូវពិចារណាស៊ើបអង្កេតមុនគេ។ ចំណាត់ការនេះ ធ្វើឡើងក្រោយពីតុលាការ ICC បានសម្រេចកែប្រែគោលនយោបាយក្នុងការពិនិត្យចំណាត់ថ្នាក់ និងអាទិភាពនៃរឿងក្តីនៅចំពោះមុខតុលាការអន្តរជាតិនេះ ដើម្បីពន្លឿនការផ្ដន្ទាទោសឧក្រិដ្ឋជនដែលបានប្រព្រឹត្តឧក្រិដ្ឋកម្មប្រឆាំងមនុស្សជាតិ និងបទឧក្រិដ្ឋធ្ងន់ធ្ងរដទៃទៀត។
មេធាវីជនជាតិអាមេរិក លោក មូរតុន ក្លារ (Morton Sklar) ប្រាប់អាស៊ីសេរី កាលពីថ្ងៃព្រហស្បតិ៍ ទី១១ ថា ចំណាត់ការក្នុងរឿងក្ដីដែលលោក និងលោកមេធាវីជនជាតិអង់គ្លេស រីឆាត រ៉ូជើរ (Richard Rogers) រួមទាំងពលរដ្ឋខ្មែរទូទៅកំពុងរង់ចាំយុត្តិធម៌នោះ កាន់តែលេចរូបរៀងច្បាស់ហើយ៖ «ឥឡូវនេះលោក ហ៊ុន សែន ត្រូវតុលាការព្រហ្មទណ្ឌអន្តរជាតិ ICC កំពុងយកចិត្តទុកដាក់ និងត្រួតពិនិត្យ។ វប្បធម៌និទណ្ឌភាពពេលនេះ ជិតផុតរលត់ហើយ។ រាល់សកម្មភាពហិង្សាទាំងឡាយដែលលោក ហ៊ុន សែន ប្រព្រឹត្ត ដើម្បីបង្ក្រាបមកលើបក្សប្រឆាំង អ្នកតវ៉ា និងប្រជាពលរដ្ឋស្លូតត្រង់ទាំងអស់នេះ គឺជាបញ្ហាដែលតុលាការ ICC ចាត់ទុកជាចំណុចអាទិភាពដែលត្រូវចាត់ការ។ លោក ហ៊ុន សែន បានរំលោភសិទ្ធិមនុស្ស និងច្បាប់ស្តីពីមនុស្សធម៌។ អ្វីដែលលោក ហ៊ុន សែន កំពុងតែធ្វើសព្វថ្ងៃនេះ គឺមិនខុសអ្វីពីអំពើឧក្រិដ្ឋដែលមេដឹកនាំផ្តាច់ការផ្សេងទៀតធ្វើនោះទេ។ គាត់ក៏ចៀសមិនរួចពីការកាត់ទោសដូចអ្នកទាំងនោះ នោះដែរ»។
ដោយ មួង ណារ៉េត RFA
2018-01-11
2018-01-11
Aucun commentaire:
Enregistrer un commentaire