សែរាជវង្សដាណឺម៉ាកមកធ្វើទស្សនកិច្ចនៅប្រាសាទប្រាមបាណាន កាលពីឆ្នាំ ២០១៥។ AFP |
ក្រុងហ្សាការតា: គោលដៅទេសចរណ៍ល្បីល្បាញបំផុតមួយចំនួនក្នុងពិភពលោកមានការចាស់ទ្រុឌទ្រោម។
មហាកំពែងចិន ប្រាសាទផាថេណុន ប្រទេសក្រិក និង ម៉ាឆូ ពិកឆូ ប្រទេសប៉េរូ ដែលនេះជាឧទាហរណ៍ខ្លះៗប៉ុណ្ណោះ។ នៅមានសំណង់អគារចាស់ៗជាច្រើនទៀតនៅតំបន់អាស៊ីអាគ្នេយ៍ផងដែរ។ ប៉ុន្តែក្នុងចំណោមសំណង់បាក់បែកទាំងនោះ តើមានមួយណាដែលអាចផ្ទឹមទៅនឹងប្រាសាទអង្គរវត្ដដ៏វ័យចំណាស់របស់កម្ពុជា?
ប្រាមបាណាន គឺជាប្រាង្គប្រាសាទមួយនៅទឹកដីឥណ្ឌូនេស៊ី មិនឆ្ងាយប៉ុន្មានពីទីក្រុងយ៉ូហ្គីយ៉ាការតា។ មិនខុសពី ប្រាសាទអង្គរវត្ដ ប្រាសាទប្រាមបាណានក៏ស្ថិតក្នុងបញ្ជីបេតិកភណ្ឌពិភពលោករបស់អង្គការ UNESCO ហើយក៏មិនខុសពី ប្រាសាទអង្គរវត្ដទៀតនោះគឺ វាជាប្រាសាទឧទ្ទិសដល់ព្រហ្មញ្ញសាសនា មុនពេលត្រូវបានបោះបង់ចោល។
ប្រាសាទនេះនៅមានរចនាប័ទ្មចម្លាក់ស្រស់ស្អាតលើជញ្ជាំង ហើយវាក៏នៅមានកំពូលប្រាសាទខ្ពស់រហូតដល់ ៤៧ ម៉ែត្រ ដែលធៀបទៅនឹងកំពូលប្រាសាទអង្គរវត្ដ មានចុងកំពូលស្ថិតលើកណ្ដាលតួប្រាសាទប្រវែងដល់ទៅ ៦៥ ម៉ែត្រឯណោះ។
កសាងនៅក្នុងសតវត្សរ៍ទី ១០ នេះជាទីក្រុងប្រាសាទដ៏ធំបំផុតដែលឧទ្ទិសដល់ព្រះសិវៈក្នុងប្រទេសឥណ្ឌូនេស៊ី។ ចំទើតខ្ពស់ចំកណ្ដាលបរិវេណគឺជាប្រាសាទ ៣ ដែលរចនាដោយរូបចម្លាក់រាមកេរ្ដិ៍ សម្រាប់ឧទ្ទិសដល់អាទិទេពទាំងបីអង្គរបស់ព្រហ្មញ្ញសាសនា (ព្រះសិវៈ ព្រះវិស្ណុ និងព្រះព្រហ្ម) និងប្រាសាទ ៣ ទៀតឧទ្ទិសដល់សត្វជាយានជំនិះរបស់ព្រះអង្គ។
ជាងនេះទៅទៀតប្រាសាទ ប្រាមបាណាន មានកូនប្រាសាទតូចៗរហូតដល់ ២៤០ ឯណោះ។
ប្រាង្គប្រាសាទដ៏ច្រើនសន្ធឹកទាំងនេះបង្កើតបានជាឧទ្យានបុរាណវិទ្យា ប្រាមបាណាន និងត្រូវបានកសាងឡើងអំឡុងសម័យកាលដ៏រុងរឿងនៃក្សត្រសៃលេន ដ្រា ក្នុងប្រទេសជ្វាសតវត្សរ៍ទី ៨។ បរិវេណនេះស្ថិតនៅលើព្រំប្រទល់រវាងខេត្ដពីរគឺ យ៉ូហ្គីយ៉ាការតា និងជ្វាកណ្ដាល លើដែនកោះជ្វា។
ប្រាសាទព្រហ្មញ្ញសាសនានេះសុទ្ធតែរំលេចនូវចម្លាក់រឿងរៀមកេរ្ដិ៍តាមរចនាប័ទ្មរបស់ឥណ្ឌូនេស៊ី។
ប្រាសាទនៅឥណ្ឌូនេស៊ីទាំងនេះត្រូវបានហ៊ុមព័ទ្ធដោយទីឋានសក្ការៈរាប់រយដែលត្រូវបានរៀបចំជាបីផ្នែកដោយបង្ហាញពីស្នាដៃស្ថាបត្យកម្មសំណង់ថ្មខ្ពស់ៗពីសតវត្សរ៍ទី ៨ ក្នុងប្រទេសជ្វា៕
Aucun commentaire:
Enregistrer un commentaire