ទៀ បាញ់ ព្រមានថា វាមិនអាចបណ្ដែតបណ្ដោយឲ្យមានការតវ៉ាណាមួយក្រោយការបោះឆ្នោតអាចកើតឡើងបានទៀតនោះទេ៖ «ពេលដែលបោះឆ្នោតចាញ់ហើយ គឺមិនព្រមចាញ់ទេ ចេញមកព្រោងព្រាតមកទាមទារនេះ ទាមទារនោះ ដាក់បែកធ្មេញឥឡូវហើយ លើកនេះមិនទុកទេ ប្រាប់ឲ្យហើយ គឺនិយាយគ្នាត្រង់អ៊ីចឹងតែម្ដង ថាម៉េចថាចុះ រឿងពិតត្រូវនិយាយគ្នាអ៊ីចឹង មិនអុនញ្ញាតជាដាច់ខាត»។
អង្គការឃ្លាំមើលសិទ្ធិមនុស្សអន្តរជាតិ និងអ្នកវិភាគចាត់ទុកការគំរាមកំហែងរបស់ទៀបាញ់ ក្នុងការវៃបំបាក់ធ្មេញជនណាដែលហ៊ានតវ៉ាលទ្ធផលឆ្នោតថា ធ្វើឡើងផ្ទុយពីច្បាប់ និងខុសពីវិជ្ជាជីវៈយោធា។
លោក ហ្វីល រ៉ូប៊ឺតសុន អះអាងថា ការព្រមានរបស់ ទៀ បាញ់ ផ្ទុយពីគោលការណ៍ប្រជាធិបតេយ្យ ផ្ទុយពីកតិកាសញ្ញាស្តីពីសិទ្ធិពលរដ្ឋ និងសិទ្ធិនយោបាយ និងជាការគំរាមកំហែងដល់នីតិរដ្ឋ។
នាយករងទទួលបន្ទុកកិច្ចការតំបន់អាស៊ីរបស់អង្គការឃ្លាំមើលសិទ្ធិមនុស្សអន្តរជាតិ យូមែន រ៉ៃត៍ វ៉ច្ឆ (Human Rights Watch) លោក ហ្វីល រ៉ូប៊ឺតសុន (Phil Robertson) ទាមទារឲ្យ ទៀ បាញ់ ចុះចេញពីតំណែងមកធ្វើជាឧបករណ៍ផ្ទាល់របស់ហ៊ុន សែន វិញ ប្រសើរជាង។
លោក ហ្វីល រ៉ូប៊ឺតសុនមានប្រសាសន៍ថា៖ « ទៀ បាញ់ មិនត្រូវជាប់ព័ន្ធនឹងការធ្វើទុក្ខបុកម្នេញជនស៊ីវិល ឬការធ្វើបាតុកម្មរបស់ជនស៊ីវិលនោះទេ។ យោធាត្រូវតែនៅអព្យាក្រឹត្យមិនលម្អៀង ហើយផ្ដោតការងាររបស់ខ្លួនខាងកិច្ចការការពារប្រទេសពីការឈ្លានពានរបស់ប្រទេសដទៃ មិនមែនមកធ្វើជាញញួរដើម្បីវាយប្រហារក្រុមអ្នកតវ៉ាដោយសន្តិវិធីនោះឡើយ។ ខ្ញុំគិតថា ទៀ បាញ់ គួរមើលលក្ខខណ្ឌការងាររបស់ខ្លួនម្ដងទៀត។ ប្រសិនបើការងាររបស់គាត់គ្រាន់តែធ្វើជាឧបករណ៍របស់គណបក្សប្រជាជនកម្ពុជា ក្នុងការប្រើកងកម្លាំងដើម្បីវាយប្រហារក្រុមអ្នកតវ៉ាប៉ុណ្ណោះទេ ដូច្នេះគាត់គួរតែចុះចេញទៅ ។ហើយ រកការងារថ្មីធ្វើទៅវិញប្រសើរជាង»។
ការថ្លែងរបស់មន្ត្រីអង្គការឃ្លាំមើលសិទ្ធិមនុស្សអន្តរជាតិ យូមែន រ៉ៃត៍ វ៉ច្ឆ រូបនេះ ធ្វើឡើងក្រោយពីលោក ទៀ បាញ់ បានគំរាមជាសាធារណៈថា នឹងវ៉ៃជនណាដែលហ៊ានក្រោកតវ៉ាលទ្ធផលក្រោយការបោះឆ្នោតឲ្យបែកធ្មេញតែម្តង។
Aucun commentaire:
Enregistrer un commentaire