 |
| លោកប្រធានាធិបតី ដូណាល់ត្រាំ។ រូបថត AFP |
ឯកសារថវិការបស់ក្រសួងការបរទេសអាមេរិកហាក់បានបង្ហាញយ៉ាងច្បាស់អំពីការកាត់ជំនួយបរទេសមកដល់ប្រទេសកម្ពុជា គឺការលុបបំបាត់ជំនួយអភិវឌ្ឍន៍ទាំងស្រុង និងកាត់បន្ថយជំនួយដល់កម្មវិធីថែទាំសុខភាពដែលផ្តល់មូលនិធិ ដោយក្រសួងការបរទេសរបស់អាមេរិក និង អង្គការ USAID ផងដែរ។
ឯកសារដែលទទួលបាន និងបានចេញផ្សាយដោយគោលនយោបាយការបរទេសកាលពីថ្ងៃចន្ទបានបង្ហាញថា ជំនួយអភិវឌ្ឍន៍មកប្រទេសកម្ពុជា នឹងត្រូវកាត់មកដល់ចំនួនសូន្យនៅក្នុងឆ្នាំ ២០១៨ ពោលគឺធ្លាក់ចុះចាប់ពីឆ្នាំ ២០១៦ ក្នុងកម្រិតនៃការចំណាយពិតប្រាកដចំនួន ៣៤,៥ លានដុល្លារអាមេរិក។ ស្រដៀងគ្នានេះដែរ មូលនិធិគាំទ្រសេដ្ឋកិច្ចនឹងសម្លឹងមើលទៅដល់ការកាត់ជំនួយរហូតដល់ ១០០ ភាគរយនៃថវិការចំនួន ៨ លានដុល្លារអាមេរិកក្នុងឆ្នាំ ២០១៦ ។
ការកាត់ជំនួយនេះគឺស្ថិតនៅក្នុងគម្រោងសំណើថវិការបស់រដ្ឋបាល លោកប្រធានាធិបតី ដូណាល់ត្រាំ កាលពីខែមីនា កន្លងទៅដែលបានបង្ហាញថាជំនួយមួយភាគបីដែលត្រូវផ្តល់ដល់ប្រទេសកំពុងអភិវឌ្ឍន៍នឹងត្រូវកាត់បន្ថយ។
ខណៈដែលមិនបានលុបចោលទាំងស្រុងនោះ កម្មវិធីសុខភាពពិភពលោកដែលផ្តល់មូលនិធិដោយក្រសួងការបរទេសនិងអង្គការ USAID ត្រូវបានគេមើលឃើញថា នឹងត្រូវកាត់ចំនួន ១៨,៣ ភាគរយ និង ៣៧,៤ ភាគរយដោយភ្នាក់ងាររបស់ពួកគេរៀងៗខ្លួនចាប់ពីកម្រិតឆ្នាំ ២០១៦ មក។
Tue, 25 April 2017
Aucun commentaire:
Enregistrer un commentaire