ទាហានយួនគ្រប់គ្រងដីខ្មែរប្រមាណ៤ម៉ឺនហិកតានៅខេត្តរតនគិរី |
តាមរយៈដីសម្បទានសេដ្ឋកិច្ចដែលរដ្ឋាភិបាលលោក ហ៊ុន សែន
ប្រគល់ឲ្យក្រុមហ៊ុនយួន
គឺជាមូលហេតុដែលធ្វើឲ្យទាហានយួនអាចគ្រប់គ្រងជាផ្លូវការនូវដី
ប្រមាណ៤ម៉ឺនហិកតានៅតាមតំបន់ព្រំដែនក្នុងខេត្តរតនគិរី។
ប្រការនេះបាននាំឲ្យមានសេចក្ដីព្រួយបារម្ភយ៉ាងខ្លាំងចំពោះ
គ្រោះថ្នាក់សម្រាប់ប្រទេសកម្ពុជានាពេលខាងមុខ
ព្រោះបនយួនឈ្លានពានមិនដែលបោះបង់មហិច្ឆតាដ៏ខ្មៅងងឹតក្នុងការលេប
ត្របាក់ទឹកដីខ្មែរតាមបណ្ដាំខ្មោចហូជីមិញ នោះទេ។
ជាពិសេសក្រុមហ៊ុនរបស់កងទ័ពយួនដែលកាន់កាប់ដីខ្មែរតាមព្រំដែន
ក្នុងខេត្តរតនគិរី គឺជារឿងមួយដែលរដ្ឋាភិបាលលោក ហ៊ុន សែន
ត្រូវពិនិត្យឡើងវិញជាបន្ទាន់ ដើម្បីបង្ការគ្រោះថ្នាក់ដល់ប្រទេសជាតិ។
តាមប្រភពព័ត៌មានដែលបានផ្សព្វផ្សាយនាពេលថ្មីៗនេះ បានឲ្យដឹងថា
ដីខ្មែរតាមបណ្ដោយព្រំដែនក្នុងខេត្តរតនគិរី
ប្រមាណ៤ម៉ឺនហិកតាត្រូវបានទាហានយួនគ្រប់គ្រងព្រោះក្រុមហ៊ុនយួនដែល
ទទួលបានដីសម្បទានសេដ្ឋកិច្ចពីរដ្ឋាភិបាលលោក ហ៊ុន សែន
គឺជាក្រុមហ៊ុនរបស់ស្ថាប័នការពារជាតិយួន។
ក្នុងនោះដីប្រមាណ៤ម៉ឺនហិកតាពីដំបូងជាដីសម្បទានសេដ្ឋកិច្ចដែល
រដ្ឋាភិបាលលោក ហ៊ុន សែន
ប្រគល់ទៅឲ្យក្រុមហ៊ុនឯកជនយួនដាំកៅស៊ូនិងដំណាំកសិ-ឧស្សាហកម្ម
ផ្សេងៗ ដើម្បីអភិវឌ្ឍន៍។
ប៉ុន្តែក្រោយមកនៅក្រោមយីហោនៃដីសម្បទានសេដ្ឋកិច្ចនោះ
ស្រាប់តែមានការផ្ទេរជាបន្តបន្ទាប់រហូតក្រុមហ៊ុនរបស់ទាហានយួន
គឺជាអ្នកគ្រប់គ្រង។
ពាក់ព័ន្ធនឹងបញ្ហានេះប្រជាពលរដ្ឋរស់នៅតាមតំបន់ព្រំដែនក្នុងស្រុក
មួយចំនួននៃខេត្តរតនគិរី បានឲ្យដឹងថា
នៅក្នុងដីសម្បទានប្រមាណ៤ម៉ឺនហិកតានោះ
ទាហានយួនបានបោះទីតាំងឈរជើងនិងដាំដំណាំផ្សេងៗ
ហើយមានអាថ៌កំបាំងដែលគ្មាននរណាអាចនឹកស្មានដល់។
មន្ត្រីសង្គមស៊ីវិលនិងប្រជាពលរដ្ឋទូទៅសម្ដែងសេចក្ដីព្រួយបារម្ភ
យ៉ាងខ្លាំងក្រោយពេលបានដឹងព័ត៌មានថា
ទាហានយួនកំពុងគ្រប់គ្រងទឹកដីខ្មែរតាមតំបន់ព្រំដែនក្នុង
ខេត្តរតនគិរី ប្រមាណ៤ម៉ឺនហិកតាហើយបច្ចុប្បន្នតំបន់នោះ
បានក្លាយទៅជាទីតាំងឈរជើងដ៏រឹងមាំនិងជាបន្ទាយយុទ្ធសាស្ត្ររបស់
ទាហានយួន។
បញ្ហានេះអាចធ្វើឲ្យប្រទេសកម្ពុជាត្រូវប្រឈមនឹងគ្រោះថ្នាក់
ធ្ងន់ធ្ងរនាពេលអនាគត
ដោយសារតែមហិច្ឆតាខ្មៅងងឹតរបស់យួនក្នុងការរំលោភឈ្លានពានទឹកដី
កម្ពុជាតាមតំបន់ព្រំដែនឥតឈប់ឈរ។
ក្រៅពីទាហានយួនគ្រប់គ្រងដីខ្មែរតាមព្រំដែនក្នុងខេត្តរតនគិរី
គឺមានក្រុមហ៊ុនឯកជនយួនជាច្រើនទៀតទទួលបានដីសម្បទានសេដ្ឋកិច្ចនៅ
ខេត្តរតនគិរីនេះដែរ ដូចជាក្រុមហ៊ុនហុងអាញ់យ៉ាឡាយ
ក្រុមហ៊ុនហុងអាញ់លំផាត់
និងក្រុមហ៊ុនមួយចំនួនទៀតដែលកំពុងបំផ្លាញព្រៃឈើនិងសម្បត្តិធម្មជាតិ
របស់ខ្មែរឲ្យវិនាសសាបសូន្យចៀសមិនផុតឡើយ៕
Aucun commentaire:
Enregistrer un commentaire