news alert

>NEWS ALERT: Stand Up and Fight for Cambodia’s survival !! រួមឈាមខ្មែរអើយ គប្បីភ្ញាក់ឡើង !!!! គ្មានកម្លាំងបរទេសមកពីក្រៅណាមួយអាចផ្តួលរំលំបនអាយ៉ង ហ៊ុនសែននិងអាយួនបានទេ។ គឺមានតែកម្លាំងប្រជាពលរដ្ឋខ្មែរបះបោរកេណ្ឌគ្នាតាមច្បាប់ធម្មជាតិទេដែលអាចរំដោះស្រុកខ្មែរបាន។ នាំគ្នាទៅបោះឆ្នោតជាមួយអាយួននិងអាយ៉ងហ៊ុនសែនដើម្បីអ្វី ? ខ្មែរអើយក្រោកឡើងតស៊ូដើម្បីជាតិខ្មែររស់ !! Hand in hand we stand !! Shoulder to Shoulder we march !! Heart to Heart we rearch!! Stand Up and Fight for Cambodia’s survival !!

lundi 14 décembre 2015

បក្ស​កាន់​អំណាច​ព្រមាន​កាត់​ប្រាក់​ខែ​បក្ស​ប្រឆាំង

មន្ត្រី​ជាន់​ខ្ពស់​គណបក្ស​ជាប់​ឆ្នោត​ទាំង​ពីរ​នៅក្នុង​ជំនួប​នៅ​រដ្ឋសភា​កាលពី​សប្តាហ៍​មុន​។
ហុង មិនា


ភ្នំពេញៈ គណបក្ស​កាន់​អំណាច​បាន​​ព្រមាន​​ថា​ប្រាក់​បៀវត្សរ៍ និង​រថយន្ត​ទំនើប​របស់​សមាជិក​រដ្ឋសភា​គណបក្ស​ប្រឆាំង​ដែល​បាន​ផ្តល់​ឲ្យ​ ដោយ​រដ្ឋសភា​នឹង​ត្រូវ​បង្កក​ប្រសិន​បើ​ពួកគេ​នៅ​​តែ​​បន្ត​​​ធ្វើ​​ពហិការ​ មិន​ព្រម​ចូលរួម​ប្រជុំ​រដ្ឋសភា​​។


សមាជិក​រដ្ឋសភា​ពី​គណបក្ស​ សង្គ្រោះ​ជាតិ​បាន​ប្រកាស​ធ្វើ​ពហិការ​ចូល​ប្រជុំ​រដ្ឋសភា​ចាប់​តាំងពី​ ក្រុម​បាតុករ​បាន​ចាំ​ស្ទាក់​វ៉ៃ​អ្នក​តំណាងរាស្ត្រ​ពីរ​រូប​របស់​គណបក្ស​ នេះ​ឲ្យ​រងរបួស​ធ្ងន់​នៅ​ក្បែរ​ច្រក​ចេញ​ពី​រដ្ឋសភា​កាលពី​ថ្ងៃ​ទី ២៦ ខែ​តុលា​ ការ​បណ្តេញ​លោក កឹម សុខា ចេញ​ពី​អនុប្រធាន​ទី​មួយ​រដ្ឋសភា ព្រម​ទាំង​ការ​បណ្តេញ​លោក សម រង្ស៊ី ចេញ​ពី​រដ្ឋសភា​បន្ទាប់ពី​តុលាការ​បាន​ចេញ​ដីកា​ចាប់​ខ្លួន​រូប​លោក​ដែល​បាន ​ធ្វើឲ្យ​មាន​ការ​រិះគន់​យ៉ាង​កងរំពង​ពី​សហគមន៍​អន្តរជាតិ​រហូត​ដល់​សភា​ អឺរ៉ុប​បាន​ប្រកាស​បង្កក​ប្រាក់​ជំនួយ​ជាង ៤០០ ​លាន​ដុល្លារ​សហរដ្ឋ​អាមេរិក​។




លោក សុខ ឥសាន អ្នក​នាំពាក្យ​គណបក្ស​ប្រជាជន​បាន​​បញ្ជាក់​​កាលពី​ម្សិលមិញ​ថា​គណបក្ស​​ ប្រជាជន​មិន​ខ្វល់​​អំពី​​ការ​​ធ្វើ​ពហិការ​របស់​សមាជិក​រដ្ឋសភា​ពី​គណបក្ស​ សង្គ្រោះ​ជាតិ​ទេ​ពីព្រោះ​គណបក្ស​​ប្រជាជន​មាន​សំឡេង​​គ្រប់គ្រាន់​ដើម្បី​ ដំណើរការ​សម័យ​ប្រជុំ​​សភា​ធ្វើការ​អនុម័ត​ច្បាប់​។ ប៉ុន្តែ​លោក​ព្រមាន​ថា​សមាជិក​រដ្ឋសភា​គណបក្ស​សង្គ្រោះ​ជាតិ​នឹង​​ប្រឈម​មុខ ​នឹង​​វិន័យ​បង្កក​ប្រាក់​​បៀវត្សរ៍ និង​រថយន្ត​ទំនើប​​របស់​​ពួកគេ​ដែល​​បាន​​ផ្តល់​​ជូន​ដោយ​រដ្ឋសភា​។
លោក​បាន​បន្ត​ថា៖ «ប្រធាន​គណៈកម្មការ​នីមួយៗ​ទទួល​បាន​​រថយន្ត​ថ្មី​ម៉ាក Land Cruiser 570។ នៅ​ពេល​ដែល [សមាជិក​រដ្ឋសភា​គណបក្ស​សង្គ្រោះ​​ជាតិ​​] ឈប់​ក្នុង​រយៈពេល​កំណត់ [រដ្ឋសភា​] នឹង​អនុវត្ត​បទបញ្ជា​ផ្ទៃក្នុង​។ តាម​បទបញ្ជា​ផ្ទៃក្នុង​ [សមាជិក​រដ្ឋសភា​នៃ​គណបក្ស​សង្គ្រោះ​ជាតិ​​] ត្រូវ​ទទួល​​ពិន័យ​។ បើ​ពួកគេ​ត្រូវ​​ពិន័យ [រដ្ឋសភា​] នឹង​បង្កក​​ទាំងអស់​។ [រដ្ឋសភា​] នឹង​​មិន​ទុក [ប្រាក់​បៀវត្សរ៍​រថយន្ត​] ឲ្យ​ [សមាជិក​រដ្ឋសភា​ទាំងនោះ​ទេ] ព្រោះ [​ពួកគេ​] មិន​មក​​ធ្វើការ»។ លោក​ ឥសាន ​បាន​​ចំអក​ថា​គណបក្ស​សង្គ្រោះ​ជាតិ​ «​​មើល​ទៅ​ហាក់បី​ដូចជា​ខ្លាច​បាត់បង់​ប្រយោជន៍ ...» ដែល​ត្រូវ​តែ​ប្រញាប់​វិល​ចូល​ប្រជុំ​រដ្ឋសភា​វិញ​។

ប៉ុន្តែ​លោក យ៉ែម បុញ្ញឫទ្ធិ អ្នក​នាំ​ពាក្យ​គណបក្ស​សង្គ្រោះជាតិ​ដែល​ក៏​ជា​ប្រធាន​គណៈកម្មការ​សភា​ផង​ ដែរ​នោះ​បាន​ថ្លែង​ថា​គណបក្ស​សង្គ្រោះ​ជាតិ​មិន​ខ្វល់​អំពី​ការ​បាត់បង់​ ប្រាក់​បៀវត្សរ៍ និង​រថយន្ត​ទំនើប​នោះ​ទេ​ហើយ​ថា​គណបក្ស​សង្គ្រោះ​ជាតិ​មិន​ទាន់​បាន​សម្រេច​ ថា​តើ​ត្រូវ​បន្ត​ធ្វើ​ពហិការ​ឬ​យ៉ាង​ណា​ទេ? ប៉ុន្តែ​លោក​បញ្ជាក់​ថា​គណបក្ស​សង្គ្រោះ​ជាតិ​នឹង​ចូលរួម​ក្នុង​សម័យ​ប្រជុំ ​គណៈកម្មាធិការ​អចិន្រៃ្តយ៍​របស់​រដ្ឋសភា​នៅ​ថ្ងៃ​នេះ។ លោក​ថ្លែង​ថា៖ «ខ្ញុំ​ចង់​ប្រាប់​ថា [គណបក្ស​សង្គ្រោះ​ជាតិ] មិន​ដែល​គិត​ពី [ការ​បាត់បង់​រថយន្ត​ប្រាក់​បៀវត្សរ៍​ទេ]។ សម័យ​ប្រជុំ​រដ្ឋសភា​មក​ដល់​ពេល​នេះ​យើង​មិន​ទាន់​សម្រេច​នៅ​ឡើយ​ទេ»។

នៅ ​ពេល​សួរ​ថា​តើ​ហេតុអ្វី​បាន​ជា​ប្រធាន​គណបក្ស​សង្គ្រោះ​ជាតិ​លោក​ សម រង្ស៊ី ដែល​កំពុង​និរទេស​ខ្លួន​ឯង​បាន​ប្រាប់​តំណាង​រាស្រ្ត​គណបក្ស​សង្គ្រោះ​ជាតិ​ ឲ្យ​ចូលរួម​ក្នុង​សម័យ​ប្រជុំ​រដ្ឋសភា​លោក បញ្ញឫទិ្ធ បាន​បញ្ជាក់​ថា​លោក សម រង្ស៊ី គ្រាន់តែ​ប្រាប់​សមាជិក​រដ្ឋសភា​របស់​គណបក្ស​សង្គ្រោះ​ជាតិ​ឲ្យ​ចូលរួម​ កិច្ចប្រជុំ​គណៈកម្មាធិការ​អចិន្រៃ្តយ៍ និង​កិច្ច​ប្រជុំ​របស់​គណៈកម្មការ​ផ្សេង​ទៀត និង​ថា​លោក រង្ស៊ី មិន​បាន​ប្រាប់​សមាជិក​រដ្ឋសភា​ឲ្យ​ចូលរួម​ក្នុង​សម័យ​ប្រជុំ​របស់​រដ្ឋសភា​ ទេ។

លោក គល់ បញ្ញា នាយក​ប្រតិបត្តិ​នៃ​អង្គការ​ខុមហ្វ្រែល​បាន​ថ្លែង​ថា​តាម​បទបញ្ជា​ផ្ទៃក្នុង ​រដ្ឋសភា​គណបក្ស​សង្គ្រោះ​ជាតិ​អាច​នឹង​ប្រឈម​ការ​បង្កក​ប្រាក់​ខែ និង​រថយន្ត​បើ​ការ​ធ្វើ​ពហិការ​របស់​តំណាងរាស្រ្ត​មិន​សម​ហេតុផល។ ប៉ុន្តែ​លោក​បាន​សង្កត់​ធ្ងន់​ថា​រដ្ឋសភា​មិន​ត្រូវ​យក​វិធានការ​នេះ​មក​ ដាក់​សម្ពាធ​លើ​សមាជិក​រដ្ឋសភា​គណបក្ស​សង្គ្រោះ​ជាតិ​ទេ​ពីព្រោះ​ការ​ធ្វើ​ ពហិការ​របស់​ពួកគេ​មាន​ហេតុផល​សមរម្យ​គឺ​ដោយសារ​ភាព​តានតឹង​នយោបាយ និង​បញ្ហា​សុវត្ថិភាព។

លោក​បន្ត​ថា៖ «ជាធម្មតា [យើង] មិន​អាច​អនុវត្ត​វិន័យ​មកលើ​តំណាងរាស្រ្ត​ទេ​ព្រោះ​ពួកគេ​មាន​អារម្មណ៍​ ភ័យខ្លាច​គ្មាន​សុវត្ថិភាព​នៅ​ទី​នោះ [រដ្ឋសភា]។ ពួកគេ​មិន​ចូលរួម​ក្នុង​ដំណើរការ​របស់​រដ្ឋសភា​មិនមែន​ដោយសារ​កំហុស​បុគ្គល​ ទេ​តែ​ជា​កំហុស​របស់​ស្ថាប័ន​នេះ។ ស្ថាប័ន​នេះ​ត្រូវ​តែ​ពន្យល់​អំពី​សុវត្ថិភាព។ នេះ​ជា​រឿង​នយោបាយ។ ពួកគេ​មាន​ហេតុផល។ ពេល​ដែល​យើង​បង្កក [ប្រាក់​ខែ​របស់​ពួកគាត់] ដោយសារ​តែ​ពួកគេ​មាន​ហេតុ​ផល​អំពី​សុវត្ថិភាព​ហើយ​យើង​បង្កក [ប្រាក់​ខែ​របស់​ពួកគេ] វា​មិន​ត្រឹមត្រូវ​ទេ»៕ TK


មាស សុខជា ភ្នំពេញ ​ប៉ុស្តិ៍​Mon, 14 December 2015

Aucun commentaire:

Enregistrer un commentaire